МУЗЕЙ ПРАЦУЕ: аўторак-нядзеля: 9.00-18.00, без перапынку на абед.
Выхадны дзень: панядзелак.
Заказ экскурсій: тэл.(каса музея) +375 1597 243 -40, факс: +375 1597 232-67,
e-mail: mickiewicz@tut.by
Экскурсіі праводзім на беларускай, рускай, польскай і англійскай мовах.
Просім прыняць да ўвагі, што ЭКСКУРСІІ Ў ДЗЯРЖАЎНЫХ МУЗЕЯХ МАЮЦЬ ПРАВА ПРАВОДЗІЦЬ ТОЛЬКІ ШТАТНЫЯ НАВУКОВЫЯ СУПРАЦОЎНІКІ ДАДЗЕНЫХ МУЗЕЯЎ.
ВЫСТАЎКІ, НАВІНЫ 2018 года:
Усе фатаграфіі адкрываюцца ў большым фармаце
Госці музея 30.11.2018. у Навагрудскай раённай бібліятэцы арцыбіскуп Тадэвуш Кандрусевіч, Мітрапаліт Мінска-Магілёўскі, правёў прэзентацыю выдання Новага Запавету на беларускай мове, пасля чаго наведаў Дом-музей Адама Міцкевіча. Мітрапаліт падараваў Дому-музею кнігу Новага Запавету на беларускай мове.
Фота: Яр Стобарт / Catholic.by
Выстаўка "Дзяды" Адама Міцкевіча: гісторыя душы"
Выстаўка прадастаўлена ў часовае карыстанне Дзяржаўным музеем гісторыі беларускай літаратуры (г.Мінск).
На сямі каляровых ілюстраваных банерах можна пазнаёміцца з цікавай інфармацыяй аб гісторыі стварэння аднаго з яркіх шэдэўраў сусветнай літаратуры, у аснову якога пакладзены беларускі фальклор і народныя вераванні.
Выстаўка працуе да 30.11.2018 г.
Гісторыя Дома-музея Адама Міцкевіча ў СМІ
У навагрудскай раённай газеце "Новае жыццё" працягваецца цыкл публікацый да 220-годдзя Адама Міцкевіча. Апублікаваны тры вялікія артыкулы аб экспазіцыі музея. (Адпаведна, апавядаецца аб жыцці і творчасці Міцкевіча). Аўтары - супрацоўнікі музея.
Міжнародная канферэнцыя
Міжнародная краязнаўчая гасцёўня Сустрэчы ў лістападзе”, прысвечаная 250-годдзю са Дня нараджэння Енджэя Снядэцкага - знакамітага вучонага, урача, філосафа, асветніка прайшла на Ашмяншчыне 09.11.2018 г. У 1821 г. Адам Міцкевіч прысвяціў Э.Снядэцкаму свой верш "Co to bylob srod zakresu..."
У канферэнцыі прыняў удзел дырэктар музея Мікалай Гайба.
Свята паэзіі ў гонар Адама Міцкевіча.
Навагрудская раённая газета "Новае жыццё" апублікавала 10.10.2018. вялікі матэрыял аб правядзенні свята - першая паласа газеты і цэнтральны развварот.
Выстаўка па выніках пленэра
Дом-музей Адама Міцкевіча запрашае пазнаёміцца з творчымі працамі навучэнцаў мастацкага аддзяленя Навагрудскай дзіцячай школы мастацтваў. Выстаўка прымеркавана да 220-годдзя з дня нараджэння Адама Міцкевіча і адлюстроўвае віды міцкевічаўскіх мясцін на Навагрудчыне.
Урачысты прыём кіраўніцтвам райвыканкама з нагоды Дня маці
адбыўся ў музеі 14.10.2018 г. На мерапрыемства былі запрошаны прадстаўнікі працоўных дынастый, якія працуюць у розных сферах дзейнасці.
Нашчадкі Ігнація Дамейкі ў музеі 06.10.2018.Дом-музей наведалі прамыя нашчадкі ўраджэнца Навагрудчыны, сябра Адама Міцкевіча Ігнація Дамейкі. Яго прапраўнучка Пас Дамейка, яе дзеці і ўнук, якія жывуць сёння ў Аўстраліі.
Госці пазнаёміліся з экспазіцыяй музея, а Джэймс Дамейка нават выканаў на раялі для прысутных некалькі віртуозных кампазіцый.
Экспанат для музея 06.10.2018. пад час Першага міжнароднага свята паэзіі "О Навагрудскі край - мой родны дом..."
дэпутат Палаты Прадстаўнікоў Нацыянальнага Сходу Рэспублікі Беларусь Папко Вольга Мікалаеўна перадала ў дар музею буклет, які быў выпушчаны ў 1938 годзе з нагоды адкрыцця Дома-музея Адама Міцкевіча.
Першае міжнароднае свята паэзіі
Свята адбылося 5-7.10.2018 г. і было прымеркавана да 220-годдзя з дня нараджэння Адама Міцкевіча.
06.10.2018. У Доме-музеі ў рамках "Міжнароднага свята паэзіі" адбылася літаратурна-музычная імпрэза "Музы Адама Міцкевіча, акцыя "Чытаем Міцкевіча разам", падвядзенне вынікаў конкурса "Прысвячэнне Песняру", дэманстрацыя мастацкага фільма "Пан Тадэвуш" (1928 г.).
Больш фатаграфій з музейных мерапрыемстваў глядзіце тут >>> сайт газеты "Новае жыццё" "Адам Міцкевіч - асоба, непадуладнкая часу"
Пад такой назвай 05.10.2018 г. адбылася навукова-практычная канферэнцыя, якую арганізаваў і правёў Дом-музей Адама Міцкевіча ў рамках Першага міжнароднага свята паэзіі "О Навагрудскі край - мой родны дом..."
У ліку ўдзельнікаў выкладчыкі Беларускага дзяржаўнага ўніверсітэта культуры і мастацтваў. Беларускага дзяржаўнага ўніверсітэта, Гродзенскага дзяржаўнага ўніверсітэта імя Янкі Купалы, музейныя работнікі, краязнаўцы.
(Інф. 29.09.201. /) у музей даслана газета "Kurier Wilenski", дзе 26.08.2018 г. апублікаваны артыкул аб наведванні дома-музея слухачамі арганізацыі "Трэці век" з Вільнюса.
У артыкуле апавядаецца аб гісторыі сям'і Міцкевічаў, аб экспазіцыі музея і выказваецца падзяка за запрашэнне наведаць музей.
Паэтычная гасцёўня" 28.09.2018. у доме-музеі адбылася паэтычная вечарына, прымеркаваная да Дня сталых людзей.
Удзельнікі вечарыны чыталі ўласныя вершы, слухалі выступленне хору ветэранаў "Радасць", частаваліся гарбатай.
Вечарына прайшла ў цёплай і творчай атмасферы.
На выстаўцы "Турбізнес-2018" 26.09.2018 г. Дом-музей прыняў удзел у міжнароднай выстаўцы "Турбізнес-2018" (г.Мінск)), дзе сумесна з прадстаўнікамі аддзела спорта і турызма Навагрудскага райвыканкама і Навагрудскай раённай бібліятэкі рэкламавалі сваю дзейнасць і запрашалі ўдзельнікаў і гасцей выстаўкі на Міжнароднае свята паэзіі, якое адбудзецца ў Навагрудку 5-7 кастрычніка 2018 года.
Больш фатаграфій з выстаўкі глядзіце тут >>> Туризм и отдых на Новогрудчине
Інтэрв'ю "Беларускае радыё 1" 21.09.2018. журналісты "Беларускае радыё-1" запісалі інтэрв'ю пра дзейнасць дома-музея па вывучэнню і папулярызацыі творчасці Адама Міцкевіча.
Эфір плануецца на 2 кастрычніка ў рамках радыйнага праекта "Мая малая радзіма".
Госці музея 21.09.2018 г. дом-музей наведала дэлегацыя на чале з пастаянным каардынатарам Арганізацыі Аб'яднаных Нацый у Рэспубліцы Беларусь Іааннай Казана-Вішнявецкі
Баль у доме Міцкевічаў 15.09.2018. у Доме-музеі адбыўся баль у стылі баляў 19-га стагоддзя.
Выдадзена кніга "Пан Тадэвуш"
Выдавецтва "Беларусь" выдала паэму Адама Міцкевіча "Пан Тадэвуш" у перакладзе Пятра Бітэля і з ілюстрацыямі Васіля Шаранговіча.
14.09.2018. экземпляр кнігі перадала ў дар музею намеснік галоўнага рэдактара Ланцэтава Марына Леанідаўна.
Кнігу А.Міцкевіча "Пан Тадэвуш" можна набыць у касе Дома-музея Адама Міцкевіча
Дом-музей Адама Міцкевіча ў Навагрудку - не толькі біяграфічная музейная экспазіцыя - гэта і музей "пад адкрытым небам".
Тут адноўленая шляхецкая сядзіба пачатку 19 стагоддзя: дом, флігель, клець, калодзеж, альтанка.
Сярод экспанатаў: асабістыя рэчы (гадзіннік, акуляры). У экспазіцыі - рэчы, звязаныя з А.Міцкевічам і яго акружэннем.
У падвальных памяшканні музея і падземным пераходзе, які злучае дом з флігелем, праводзяцца выстаўкі. З іх тры - пастаянныя: “Святло кухні Міцкевічаў”, “Малюнкі сельскага жыцця” і “Паэма “Пан Тадэуш” – праз гады і народы”.
POLSKI
ENGLISH
Цены, услуги
>>>
>>>
